Sky726

今晚早左收工，谂起旺角有间好评几多嘅西餐厅，于是就去chill 下。餐厅整体环境都好靓，天花板有好多小灯炮做装饰，仲有坐近窗边可以由高层望落旺角大街，大概六点到都仲可以睇到日落，到左夜晚就可以由高处望落去睇闹市嘅夜景。落左order之后，就会先送上餐包，餐包都系微暖，入面都系软熟，系几好食👍🏻我叫左南瓜蟹肉忌廉汤，打得幼滑，南瓜味好浓，仲见到都多蟹肉嘅汤上面，饮落口嘅感觉都好match主菜叫左慢煮黑毛猪鞍扒配意大利黑醋汁及牛肝菌酱，上菜时都见到黑毛猪鞍扒系好幼嫩同埋有格网纹，切开时入面仲有少少红，食落质感唔会过硬，慢煮锁著啲汁系肉入面，咬落口都juicy，底仲有啲菇类吸收啲汁饮品就叫左choco chip，浓郁朱古力味，加埋层cream系上面，入面仲有好多蜜糖星星。整体黎讲，呢间餐厅环境一流，出品性价比高，值得再去。