影片
更多
2017-10-23
632 浏览
讲到最喜欢嘅烤鸡店，点都要数Goobne Chicken，最初开喺旺角，收工成日同同事们一齐晚饭，一试爱上佢地嘅烤鸡，真系特别好食。几年间同事间相继离开公司，唔再喺同一职场，见面较少，但每次相聚都会记起我地曾喺呢度食烤鸡，仲有最爱呢度嘅蛋卷。而家分店愈黎愈多，最近黎到铜锣湾嘅分店更加系有如此靓景，值得一试呢间分店位于登龙街，以前讲到登龙街净系知有拉面店，而家执净几间，反而食店种类更加多元化，呢栋大厦我之前黎过一次打火锅，位处高层，日头天气好、日落、入夜景色真系几正。餐厅占地颇广，位置都多，相对其他分店阔落，坐得舒适，去过唔同分店，最喜欢呢家喇。装潢简约，但又有格调，特别配上大玻璃，视野广阔，环境满分。如果想坐窗边位置或者需要预约又或者好似我地咁食个early dinner先得(笑)。当日仲要轮流播住《太阳的后裔》同《鬼怪》嘅OST，非常开心。餐牌选择丰富，有铁板鸡、烤鸡、年糕、部队锅、鱼糕汤、沙律、鸡蛋卷、猪肋骨等，饮品都比起我上次（好耐之前）黎多左好多选择。始终食烤鸡都系人多除番开抵食啲，加上份量比较大，好似我地今次两丁友黎，点左两款已经饱了，相当满足。本来见到佢地有牛奶冰，草莓、红
几年间同事间相继离开公司，唔再喺同一职场，见面较少，但每次相聚都会记起我地曾喺呢度食烤鸡，仲有最爱呢度嘅蛋卷。
而家分店愈黎愈多，最近黎到铜锣湾嘅分店更加系有如此靓景，值得一试
呢间分店位于登龙街，以前讲到登龙街净系知有拉面店，而家执净几间，反而食店种类更加多元化，呢栋大厦我之前黎过一次打火锅，位处高层，日头天气好、日落、入夜景色真系几正。餐厅占地颇广，位置都多，相对其他分店阔落，坐得舒适，去过唔同分店，最喜欢呢家喇。装潢简约，但又有格调，特别配上大玻璃，视野广阔，环境满分。如果想坐窗边位置或者需要预约又或者好似我地咁食个early dinner先得(笑)。
当日仲要轮流播住《太阳的后裔》同《鬼怪》嘅OST，非常开心。
餐牌选择丰富，有铁板鸡、烤鸡、年糕、部队锅、鱼糕汤、沙律、鸡蛋卷、猪肋骨等，饮品都比起我上次（好耐之前）黎多左好多选择。
始终食烤鸡都系人多除番开抵食啲，加上份量比较大，好似我地今次两丁友黎，点左两款已经饱了，相当满足。
本来见到佢地有牛奶冰，草莓、红豆、芒果、朱古力曲奇、绿茶五款口味，$78-$98，真系好想试，但已经太饱，只能留待下次
蜜糖咖喱烤鸡 $185
烤鸡有多款口味，例如原味、韩式BBQ酱、甜辣、果味蒜香、黑椒、三重芝士等，$165-$208，部分口味可选择双拼，人多嘅话可以方便试多几款。我地每次黎必点蜜糖咖喱烤鸡，觉得最好食系呢款，下次再黎可以试试其他。曾经都讲过无数次，炸鸡同烤鸡二选一的话，我都系毫不犹疑拣后者的，Goobne嘅烤鸡强调不经油炸，反而用烤嘅方法令鸡保持香脆口感，鸡肉嫩滑，而且不含反式脂肪。先不讲食烤鸡食得健康咁夸张，至少冇炸鸡咁油腻，自我感觉良好
蜜糖咖喱烤鸡
$185
52 浏览
1 赞好
0 留言
一份烤鸡约有12件，鸡件睇落劲吸引，餐厅提供手套、湿纸巾等客人食得方便点。鸡皮烤至香脆，薄薄一层，完全唔会有油腻感。鸡肉咬一口，依旧嫩滑，外脆内嫩，质素确实不错。味道方面，鸡皮有香甜蜜糖味道，仔细嚼会食到咖喱味，唔会太浓烈，亦都唔会辣，相信系一般人都会喜欢嘅口味附上一小碟酱汁同萝卜，食哂一份都唔会觉得好滞。
蜜糖咖喱烤鸡
$185
34 浏览
0 赞好
0 留言
芝士炒年糕 $165
呢份都系我地几乎每次黎都会食的，芝士炒年糕份量都几足，里面有面、年糕、鸡蛋、鱼糕片，加入大量芝士，用铁板上，热辣辣。
年糕条幼身，煮到烟烟韧韧，好美味。鱼糕则比较厚啲，幸好粉感都唔重。面嘅份量唔多，两个人分享足够
味道方面甜甜辣辣，酱汁唔会太多，芝味浓郁，虽然价钱唔平，但确实几好食。而事实上我喺韩国街食过性价比更低嘅炒年糕，所以觉得呢份非常ok了
芝士炒年糕
$165
30 浏览
0 赞好
0 留言
饮品方面，有酒精，也有非酒精，最多人要黎打卡嘅鲨鱼之泪，我地之前已经饮过，实在觉得太贵，唔会再饮。
所以今次点左$58嘅蓝橙沙冰~够哂冰凉，可惜后来愈饮愈甜，下次都系叫汽水。
蓝橙沙冰
$58
25 浏览
1 赞好
0 留言
餐厅环境：
餐牌：
张贴
