食之劇場餐廳 (已結業)

食之剧场系一间高级鮨店，好耐之前已经听同事讲过话正，趁而家天气热行唔倒山，就揾左个周末入黎西贡行下顺便食下。食之剧场喺白沙湾码头酒店入面，冇车朋友都可以搭巴士/小巴喺白沙湾站落，行过黎都系3分钟。餐厅就对正白沙湾。店面空间感十足，除左有曲尺形寿司吧枱之外，仲有几个厢房。如果想睇倒醉人日落，最好就坐返吧枱。白神山地之水($58/樽) - 食之剧场嘅饮用水、煎茶全部都系用白神山地之水，佢系由白神山嘅雨水，杂质都被森林入面嘅土壤过虑而得黎纯净水，咁犀利我地就点黎试下，饮落味道确系比较冰凉同甘甜。食之剧场嘅厨师发办分左四个价位，我地点左最平嘅套餐—云($980/位)，佢包左前菜、刺身、烧物、煮物、汤同甜品。前菜 - 前菜有四款，可以先食左边嘅鲷鱼白子，佢浸喺酸汁入面，好开胃完全唔腥。之后可以食上面嘅昆布鲍鱼，鲍鱼弹口得反唔会太韧。再之后就可以食右边嘅莲藕拌蟹肉，师傅将莲藕磨成蓉，再拌埋蟹肉，味道非常清新。最后就可以食下面嘅矶粒贝，粒贝已经预先起肉，所以就咁拎起就食得。旁边嘅系柚子番茄。刺身 - 刺身有四款，右上方系小樽产嘅八爪鱼，有咬口又唔会又韧。前面系北海道产嘅帆立贝，非常厚切口感微弹。左前