Goobne Chicken (V Point)

营业中

休息中

继上个月食完旺角分店，今日再食铜锣湾店👯‍♀️🌆 铜锣湾店位于食街登龙街嘅V Point 25楼，楼底好高。原先被安排喺窗边corner位，拥有两边窗景，不过就只有高椅。由于著裙关系，坐普通椅舒服啲，而且个景观都够晒开扬。👍🏻 上次旺角舖嘅手套系散开摆喺装骨筒入边，呢间嘅手套有个袋仔入住，感觉更加卫生！不过可能所有舖头都转左，始终距离上次食都有一段时间。🍯🧄🍗 今次去食见到有个新出嘅蜜糖蒜香烤鸡，一于试吓，同果味蒜香烤鸡唔一样，佢系有蒜片嘅。鸡肉嫩滑，鸡皮烤得好香脆，非油炸斋烤都有呢个效果，真系犀利！蒜味唔会过分浓郁，蜜糖嘅甜味比较出，仲有微辣，好味！🥚另外试咗韩式鸡蛋卷，鸡蛋入边包住青瓜、红萝卜、午餐肉、蟹柳、紫菜同芝士。材料丰富，份量都几多，鸡蛋整得几滑，唔错唔错。