鐵板燒海賀

营业中

休息中

好耐无同老公fine dining，今次佢带我来食铁板烧，食铁板烧梗系要对住师傅，我初时有少少怪老公点解会拣餐枱位置，但估唔到原来呢度可以睇到维港景色，望住海景食饭又真系零舍好味。二人套餐乜都有得试下，先来两款前菜味道酸酸甜甜，够晒开胃，之后再食矶煮鲍鱼，好弹牙，饮杯酒配前菜食已经觉得好精彩。开始进入主菜，有我最钟意食嘅鹅肝终于上来，鹅肝配多士，多士索晒鹅肝油，但呢个时间已经唔理卡路里嘅事啦，因为真系好好味。另外大虾非常大只，而且大只，钟意啖啖肉唔使剥壳，另外最精彩嘅主菜当然系和牛，好耐冇食过和牛真系入口即溶，超级肥美，好多油脂，真系好香。最后食埋炒饭同埋乌冬真系饱到上心口，估唔到连甜品都好好味，绿茶雪糕同埋红豆汤都唔会太甜，今餐真系非常满足。