Outback Steakhouse (尖沙咀中心) (已結業)

今日两个大人一个小朋友经开尖沙咀，就揾间舒服嘅餐厅食吓嘢，抬头一望见到呢间海景outback, 又唔使等位就入咗去。坐左窗口位，望到少少维港景色，舒服写意！唔系好肚饿所以只系嗌左一个餐：澳坊芝士汉堡（$98）。小朋友有薯条就开心晒，脆卜卜热辣辣新鲜整，而且份量十足，汉堡肉质都几嫩滑，充满肉汁。黑糖包：outback经典之最！大人太中意食搞到忘记咗影相黑糖面包味道偏甜，又带点酸酵母味，可可粉的苦味与黑糖味配搭起来更可口，口感软软的又带有弹性，外皮香脆，真系好味道～