阿甘蝦餐廳

营业中

休息中

去山顶，食大餐，睇靓景～我会选择阿甘虾餐厅🦐很美式既美式餐厅！可能疫情关系，平日去真系无乜人，变咗坐得好舒服😌🥗凯萨沙律：沙律酱份量岩岩好，沙律菜又够新鲜，芝士又足，一个人食一碟都好饱！🥖蒜茸包：睇个样，以为个包系硬，原来系外脆内软，蒜蓉味岩岩好，老少咸宜嘅嘢食。🧅炸洋葱圈：圈圈都好大，热焫焫，脆卜卜，点埋茄汁或沙律酱，味道再提升🆙🥬橄榄油煮菠菜：哩个系menu无既，系特制俾妹猪～都利害啦，系美式餐厅，可以食到好似大排档既形式，叫乜煮到乜。不过个菜既味道，就有少少过油同咸，不过心意搭够。🦀软壳蟹渔夫海鲜桶：哇！有软壳蟹2只、鱼、虾、薯条，一上枱就闻到好香，样样都炸到好脆，又唔会外面层粉好多，样样都食唔停口！🍝香蒜柠檬大虾意粉：只只虾都好大只，又好爽口。意粉软硬程度适中。咸味就局部地区发现。🥤士多啤梨沙冰：哩杯野饮，系Mr Wong想要好耐，系想要只杯好耐，系咁闪灯～饮完系可以拎走只杯添，不过士多啤梨沙冰味道就偏酸😖下次可以拣过第二只味。