Zeng

营业中

休息中

周年纪念当然要物色一下有情调的餐厅共渡时光，所以我预订左系铜锣湾V Point 30楼的ZENG。可惜今次到达餐厅先发现最靓的景系要坐出露台的Shisha位置，可以望到一大片维港的海景及对岸的灯饰，大家记得要预订露台的靓位喇。头盘我地跟套餐加点左6只生蚝，待应先生好礼貌咁介绍呢款生豪的特色，食落真系比较大只，富海水味及矿物质风味，口感较为爽口，建议大家都用$188呢个优惠价享用一份高CP值的生蚝。 另一份Dinner set的前菜系和牛同吞拿鱼腩蓉Taco, 和牛同Taco味道一般，唯独吞拿鱼腩蓉比较出色新鲜，如果Taco可以脆D，就值得俾90分喇!白腰豆忌廉汤配上伴碟带子，香浓得来又夹到带子的鲜甜。黑松露薯条唔算炸得好香口，有少少干身，但黑松露酱十分出色，上台无耐就俾我地扫晒! 樱花虾鲍鱼天使面，鲍鱼切成薄片，酱汁唔系浓稠个种，但食落唔会太淡味。主菜我地就拣左澳洲M5和牛西冷扒，煎到五成熟岩岩好，表层布满油脂香，内层肉质有弹性，牛味够浓厚。