大灰熊廚房 (裝修中)

今日去咗将军澳新开嘅一间饭店食饭，见到佢哋都有好多唔同款式嘅小菜选择，佢哋仲会有私房菜提供，今次我哋就叫咗佢哋几款嘅小菜返去外卖屋企。每次食小菜我哋都一定会叫嘅椒盐豆腐，佢哋嘅椒盐豆腐份量适中，亦都非常香椒盐嘅味道，豆腐咬落口亦都系滑口的👍🏻另外小炒王亦都系我好钟意叫嘅其中一个菜，每间餐厅嘅小炒王都有佢自己嘅特色，今次佢哋竟然有腊肠，啱晒而家冬天嘅时间嚟食腊肠！除此之外我哋都叫咗个沙律酱排骨，沙律酱酸酸甜甜都非常开胃，份量适中，都非常适合用来送饭食。我哋之后仲叫咗一个汤羹，佢嘅汤羹希杰程度啱啱好，可以当汤你饮而且亦都好饱肚！最后仲叫咗一个烧粟米🌽粟米烧到啱啱好亦都好香甜。