Sky726

呢间都算系旺角少有嘅高质西餐，食物质素同服务都特别好。望住黄昏晚霞气氛特别浪漫💕。记得book定窗口位。🦪爱尔兰石蚝 $38/1🦪法国吉拉多生蚝 $48/1爱尔兰石蚝味道鲜甜，海水味唔重。法国吉拉多生蚝相对地味道比较细致。两款都非常易入口。🥂Prosecco $96/2清爽顺滑，果香又重。✨香煎蟹饼伴青柠珍珠 $138外层炸得香口，里面啖啖都系鲜甜嘅蟹肉。配青柠珍珠油腻感大减。✨番茄水牛芝士沙律 $138番茄清甜而且完全冇青味，估唔到配青酱会咁夹。✨焗波士顿龙虾尾海鲜意大利饭 $288龙虾尾弹牙又鲜甜。意大利饭口感啱啱好，吸收晒海鲜嘅鲜味。味道微酸几开胃，冇平时意大利饭𠮶种饱饱腻腻嘅感觉。✨烧美国安格斯熟成西冷扒 $480肉质有少少咬口但冇咩肉质嘅纤维感。西冷扒经过熟成味道特别浓郁，而且仲越𡁻越香。✨焗火焰雪山 $98外层微暖，里面嘅雪糕冰冻清新。甜度唔高，又有浓浓酒香。满满仪式感，味道都唔错。