影片
更多
2024-03-07
64 浏览
行开海港城想揾间海景餐厅，行到玩具反斗城旁边见一间日系可爱风嘅餐厅Ohayo，店内装修白色配搭浅色木家具，环境清新舒服，各式座位都有，卡位、梳化位、窗口Bar台位同埋最有特色嘅水泥台座位，喺度食嘢打卡真系有啲少女心爆发。不过作为一间食店，食物质素先系重点，今晩order左两set晚餐！ 是日餐汤 - 蕃茄汤蕃茄汤除左蕃茄之外，应该仲有好多其他蔬菜打碎一齐煮成，口感细滑香浓，足料之作。 香煎刺身带子鲜茄意粉两粒香煎大带子，微微过熟。意粉口感够弹牙适中，以蕃茄粒拌炒，酸酸甜甜，整体感觉清新不腻，味道唔浓，适合女仔选择。不过唔好睇少个份量，绝对够饱。 烧烤酱酱烧牛肋条汉堡汉堡配埋沙律菜同薯条，沙律菜已预先用黑醋同橄榄油混合左，唔会太酸，菜嘅款色都丰富。薯条系原个薯仔切条果款，口感实在香脆，中规中矩。主角嘅牛肋条汉堡对于食肉兽呢讲真系大满足，面包中间有三大块牛肋条，配以唔太浓味嘅烧烤酱，唔会盖过牛肋本身嘅味道，另外配料有烟肉、炒洋葱、生菜同腌黄瓜，大大份绝对满足。 整体呢讲，食物质素不错而且份量很足够，今日太饱冇叫到甜品，呢度有好多唔同甜品选择，下次呢一定要留肚试多几款。同埋如果早啲食，坐喺窗
是日餐汤 - 蕃茄汤
蕃茄汤除左蕃茄之外，应该仲有好多其他蔬菜打碎一齐煮成，口感细滑香浓，足料之作。
香煎刺身带子鲜茄意粉
两粒香煎大带子，微微过熟。意粉口感够弹牙适中，以蕃茄粒拌炒，酸酸甜甜，整体感觉清新不腻，味道唔浓，适合女仔选择。不过唔好睇少个份量，绝对够饱。
烧烤酱酱烧牛肋条汉堡
汉堡配埋沙律菜同薯条，沙律菜已预先用黑醋同橄榄油混合左，唔会太酸，菜嘅款色都丰富。
薯条系原个薯仔切条果款，口感实在香脆，中规中矩。主角嘅牛肋条汉堡对于食肉兽呢讲真系大满足，面包中间有三大块牛肋条，配以唔太浓味嘅烧烤酱，唔会盖过牛肋本身嘅味道，另外配料有烟肉、炒洋葱、生菜同腌黄瓜，大大份绝对满足。
整体呢讲，食物质素不错而且份量很足够，今日太饱冇叫到甜品，呢度有好多唔同甜品选择，下次呢一定要留肚试多几款。同埋如果早啲食，坐喺窗边对海Bar台位欣赏住日落维海景呢食饭真系抵哂架！
张贴
