影片
更多
2023-07-25
32 浏览
食海鲜系香港人平时放假嘅活动之一，又想玩又想食海鲜，西贡系唔错嘅选择～日头去玩完水上活动放完电之后，再食返个海鲜大餐，真系超正！呢间海鲜餐厅喺布袋澳入面，即系清水湾再入啲，平时去到将军澳𠮶边搭16号小巴就可以直入到去，交通都尚算方便！餐厅自己就系一间海鲜档，有好多唔同款式嘅海鲜，大大只又新鲜！入到去拣咗海鲜先，再选择煮法，新鲜即㓥～餐厅仲要系海边，早少少去仲可以睇埋个黄昏日落，劲靓影！------------------------------🐟◖清蒸海上鲜◗ $350拣咗一条老虎斑仔，肉质爽脆，面头舖上青葱，再淋上热油，个股油香同葱香出晒嚟，清蒸嘅煮法更加带得出鱼嘅油香～🦐◖白灼生海虾◗ $128海虾大大只，肉质紧实，好弹牙，虾头都有膏，够晒鲜甜！🐚◖蒜蓉粉丝蒸扇贝◗ $76$38就有一只大大只嘅扇贝，味道够鲜肉质弹牙，已经去晒内脏～面头加咗好多蒜蓉同埋粉丝，啲粉丝又索晒扇贝嘅鲜甜味，口感滑溜又香！🐚◖豉椒炒蛏子◗ $90蛏子起晒肉，用豉椒去炒，好香口够镬气，大大只口感好爽脆！🐚◖豉椒炒蚬◗ $98佢嘅蚬肉都几多而且都好肥美，炒得够镬气，豉椒唔会太死咸，落咗洋葱同三色椒去炒
餐厅自己就系一间海鲜档，有好多唔同款式嘅海鲜，大大只又新鲜！入到去拣咗海鲜先，再选择煮法，新鲜即㓥～餐厅仲要系海边，早少少去仲可以睇埋个黄昏日落，劲靓影！
------------------------------
🐟◖清蒸海上鲜◗ $350
拣咗一条老虎斑仔，肉质爽脆，面头舖上青葱，再淋上热油，个股油香同葱香出晒嚟，清蒸嘅煮法更加带得出鱼嘅油香～
🦐◖白灼生海虾◗ $128
海虾大大只，肉质紧实，好弹牙，虾头都有膏，够晒鲜甜！
🐚◖蒜蓉粉丝蒸扇贝◗ $76
$38就有一只大大只嘅扇贝，味道够鲜肉质弹牙，已经去晒内脏～面头加咗好多蒜蓉同埋粉丝，啲粉丝又索晒扇贝嘅鲜甜味，口感滑溜又香！
🐚◖豉椒炒蛏子◗ $90
蛏子起晒肉，用豉椒去炒，好香口够镬气，大大只口感好爽脆！
🐚◖豉椒炒蚬◗ $98
佢嘅蚬肉都几多而且都好肥美，炒得够镬气，豉椒唔会太死咸，落咗洋葱同三色椒去炒，食落好香口啖啖肉！
🥩◖椒盐骨◗ $85
与其话系椒盐骨，觉得佢似椒盐猪扒多啲，肉嘅位置好多～猪扒片拎去炸过嚟，均匀拍上炸蒜同辣椒，带有少少辣味，几惹味！
🍜◖干烧伊面◗ $78
呢个伊面炒得比较干身，加入咗啲杂菌去炒，面嘅质感偏软滑，但略嫌调味方面唔太够，食落去有啲清淡～
🍊◖桔仔水◗ $14
同金桔柠檬味道差唔多，唔会太甜，几清新～
🥤◖Zero◗ $14
🌟 Encore指数：8.9/10
张贴
