影片
更多
2022-06-10
6427 浏览
呢間彩福皇宴位於isquare 26樓所以有個好靚嘅海景view, 呢個海景當然要提早幾個禮拜request先有啦😜。今次叫咗個名為”超值澳洲龍蝦套餐”四位用$720, 另收茶芥及加一🍽️上湯焗澳洲龍蝦(1.4斤+伊麵底)龍蝦新鮮爽彈多肉, 龍蝦味道比較淡, 伊麵唔算彈牙比較淋身, 芡汁味道適中🍽️燒味拼盤(例牌) -有燒肉, 叉燒, 油雞, 煙鴨胸及海蜇燒肉皮脆; 叉燒蜜味唔濃肉質比較硬; 油雞豉油味都算可以, 肉質嫩滑但雞味唔濃; 煙鴨胸係買返嚟嗰種冇乜特別; 海蜇麻油香味唔濃, 比較淡口; 燒味拼盤完全冇跟醬汁😅, 例如黃芥辣, 醋及薑蓉🍽️腰果翠珊瑚海螺片(例牌)上枱嘅時候感覺唔到有鑊氣, 食落亦然, 珊瑚蚌正常, 海螺片韌口, 比較難咬開, 味道一般🍽️清蒸龍躉斑(1.2斤)龍躉斑蒸得過老🍽️羅漢上素扒菜膽(例牌)正常羅漢上素貨色, 冇咩特別🍮黑糖紅棗糕(四件)Q彈煙韌有口感, 紅棗味濃, 唔算甜另外再叫咗個晚市三大優惠之一的 - 🍽️脆皮乳雞(1隻$150)大大隻炸得香脆, 肉質嫩滑爽彈, 但雞味唔濃散叫甜品🍮金箔芝麻卷(6件$28)芝麻味唔濃但亦唔算太甜, 質地滑溜但唔夠咬口感🍮竹燕
今次叫咗個名為”超值澳洲龍蝦套餐”四位用$720, 另收茶芥及加一
🍽️上湯焗澳洲龍蝦(1.4斤+伊麵底)
龍蝦新鮮爽彈多肉, 龍蝦味道比較淡, 伊麵唔算彈牙比較淋身, 芡汁味道適中
🍽️燒味拼盤(例牌) -有燒肉, 叉燒, 油雞, 煙鴨胸及海蜇
燒肉皮脆; 叉燒蜜味唔濃肉質比較硬; 油雞豉油味都算可以, 肉質嫩滑但雞味唔濃; 煙鴨胸係買返嚟嗰種冇乜特別; 海蜇麻油香味唔濃, 比較淡口; 燒味拼盤完全冇跟醬汁😅, 例如黃芥辣, 醋及薑蓉
🍽️腰果翠珊瑚海螺片(例牌)
上枱嘅時候感覺唔到有鑊氣, 食落亦然, 珊瑚蚌正常, 海螺片韌口, 比較難咬開, 味道一般
🍽️清蒸龍躉斑(1.2斤)
龍躉斑蒸得過老
🍽️羅漢上素扒菜膽(例牌)
正常羅漢上素貨色, 冇咩特別
🍮黑糖紅棗糕(四件)
Q彈煙韌有口感, 紅棗味濃, 唔算甜
另外再叫咗個晚市三大優惠之一的 - 🍽️脆皮乳雞(1隻$150)
大大隻炸得香脆, 肉質嫩滑爽彈, 但雞味唔濃
散叫甜品
🍮金箔芝麻卷(6件$28)
芝麻味唔濃但亦唔算太甜, 質地滑溜但唔夠咬口感
🍮竹燕椰汁糕(4件$24)
微微嘅椰汁味剛剛好, 襯托出桂花味嘅清香, 食落清爽唔膩, 正👍
整體食物一般, 但酒樓環境開揚闊落, 檯與檯之間嘅距離唔算逼夾, 就算不是正對海景也坐得舒服
魚堅總評
性價比 3.5👍
(以5👍為滿分)
张贴
