祥囍煲仔小廚

营业中

休息中

要揾间餐厅食靓煲仔饭，睇佢客人流量是错不了。呢间祥囍煲仔，位处于后巷，颇为隐密。但未到7点，餐厅内位置坐满，餐厅外挤满了人等候入内。侍应来来回回忙碌非常，赶紧招呼客人。因此，我6点到达，避开繁忙时间。菜干猪肺汤可能系处理猪肺需花时间及功夫，猪肺汤坊间都少有供应。黎呢度一定要点。个汤好正。猪肺又干净又入味又稔，有十几旧，过足口瘾。白菜干够靓。汤煲都奶白色，鲜甜冇味精，净系黎帮衬个汤都抵。蒜蓉粉丝带子蒜蓉够多，香味四溢。粉丝浸在满满的蒜蓉豉油汁里，入味好吃。主角带子嫩口又大只，食落鲜甜弹牙，非常新鲜。难怪是招牌菜。蒜香虾膏通菜通菜嫩口冇渣，炒得够镬气，蒜香味十足，加埋虾膏就惹味非常。份量亦多，抵食又美味。豉椒炒蚬呢个原本就冇点，但见到好似台台都整碟炒蚬，我又唔执输。碟炒蚬大大碟，够镬气够惹味，蚬亦鲜甜肥美，成道菜有大排档风味。正！腊味饭嚟呢度，一定要食佢嘅煲仔饭。呢度煲仔饭听闻用炭炉煲，所以特别香。腊味饭d料好多，精华渗晒入饭。个饭煲得好靓，浇少少豉油已经好入味。期待再encore佢个猪肺汤。