無敵家

营业中

休息中

呢排最hit嘅系乜嘢？梗系睇亚运比赛项目啦，对于钟意运动嘅人嚟讲。亚运进行得如火如荼，呢日同朋友喺佢屋企睇比赛睇得太耐，突然间想食嘢，咁就去佢屋企楼下，揾啲简单又方便快捷嘅食物，唔要普通的快餐，例如大x活，大x乐，咁就食拉面啦。两个人嗌咗1个拉面，1个炒饭同埋2个小食，好快食完又返屋企继续睇比赛。第一个系“猪软骨拉面”，waitress 话我知，个汤底系用猪骨，白萝卜，红萝卜同栗米一齐“熬”出来嘅，保证冇味精，建议我哋饮埋啲汤，人嘅身体系好诚实嘅，食埋面，饮埋晒汤之后喉咙完全冇事，like like.而猪软骨都好腍好入味，拉面亦好高质。“黑松露三文鱼炒饭”食落有清香的松露味，三文鱼切成粒状，都好香口，啲饭又炒到粒粒分明，成个炒饭份量唔少够饱肚。"生蚝烟肉卷"，烟肉卷通常配芦笋，今次配生蚝亦好惹味；"多春鱼"通常冇得输，2个小食作为两份主食的点缀完全合格。