BnR

营业中

休息中

[📍九龙湾｜BnR ]系Megabox行完街要揾啲野食，见到有间新派既餐厅，主打汤面，捞面同埋蒸饭，咁多选择一于试下先。见到个menu又想试叻沙，又想试吓个蒸饭，又想试吓个鸡饭，真系好难拣。最后决定叫个叻沙牛仔汤面，天气热热地就叫多个冻盘小食，海哲手撕鸡，饮品叫咗椰汁爆珠红豆冰。叻沙汤底好浓厚，而且有得拣淮山面，淮山面爽口弹牙，又劲挂汁，块脆脆同豆卜入哂味好正，牛仔嘅意思系牛肉片同埋牛丸，同叻沙汤底好夹。海哲手撕鸡估唔到佢份量咁多，冻食令到啲鸡肉更加结实，而且海蜇都会切到细细粒，鸡肉加海蜇一啖食又唔同嘅口感。饮品呢个真系要试吓，椰汁就正常，佢嘅爆珠红豆非常之特别，咬落去真系会爆汁，而且几爽口，有啲似三文鱼子，但系入边仲有粒红豆。几特别值得一试。行到攰攰地想食间新派面食，BnR系一个好选择。