靚湯水餃 (已結業)

今朝覺得乾燥左，突然好想飲碗老火湯，我見平時出門口返工8點幾佢都已經開左門，於是拎個保溫壺落去問下有湯賣未，老闆好好，佢話幫我入滿佢，仲話星期一啲湯係最靚，今日係西洋菜湯，一壺湯滿哂先收我$25！其實我周不時都幫襯晚餐，靚湯加雞飯都係$45，真係好抵，自己煲湯買料都要幾十蚊啦，而且啲湯超好飲！水餃我都試過，食落似屋企包嗰啲水餃，唔會有味精嘅感覺，湯底都係用靚湯！真心希望呢間小店繼續做，等我可以間中想飲靚湯就有得飲！