好湯好麵 (名店坊)

营业中

休息中

从来无谂过会食一碗百几蚊上海面，日式拉面都唔使一百蚊啦。但在朋友极力推荐下，我都试下豪食中式面。凉拌麻辣茄子，半条茄子蒸完雪到好冻，淋个酱汁唔辣都唔麻，个味道好似系李锦记黑椒汁。唔推荐。海龙皇同蚝皇猪猪，整体都算靓汤靓料，海龙皇入面有两只大虾，虽然要自己剥壳，但好新鲜D虾肉都好弹牙；反而蚝皇猪猪入面几只凤尾虾，唔使自己剥壳，但系食得出系雪虾。广岛蚝同带子都够大，都好新鲜。我个人认为扁面煮既时间太短，偏硬身，口感差，下次再食可以要求个面煮耐D软D。我谂D汤都应该无味精，因为饮完汤都唔会觉得颈渴要饮好多茶/水。新店装修都几好，洗手间干净。但D台凳好赶客，坐得唔舒服，台同台之间好逼，客人好自然食完立即要走，唔会想倾下计坐多阵。唔可以算抵食，只能话一分钱 一分货，但相比起百几蚊碗台湾牛肉面，呢碗合理D。