燒味滷師 (安發大廈)

营业中

休息中

今晚放工经过烧味舖， 突然烧味瘾起，就决定加𩠌试下佢， 结果畀到我惊喜。1）烧味佬叉烧（半斤）蜜汁叉烧好靓，烧到橙红色， 冇㶶边， 师父畀料好公道， 唔会成碟都系头头尾尾，都唔会烧到太老太韧。 叉烧系偏瘦叉， 因为我自己钟意食瘦叉烧，所以特登叫师傅畀多少少瘦叉， 但佢亦都有畀肥叉烧，食落肥叉都唔错。2）原味手撕鸡半只手撕鸡麻油味香有好多芝麻，但唔会太咸，同时鸡好滑，唔会全部都系鸡胸肉，值得一试。3）至尊烧鹅半只烧鹅卖相好好，份量够大够足料，外皮油亮，食落好香脆，肉质嫰滑有汁，同时好有口感，配埋独有既酱汁，令烧鹅湿润唔会干，食埋大大只鹅脾真系令人好满足，整体质素中上，性价比真系极高！