Vista

营业中

休息中

男朋友今日带咗我去食晚餐，我哋大约七点入座，咁啱天色仲好光，有黄昏靓景，喺窗口位睇住日落慢慢退下，维多利亚港嘅夜景同埋幻彩咏香江好吸引，食物亦都系高质素，会再回访。意式生牛肉他他侍应喺厨房攞出一个木制大盘，喺我哋面前放入各种香料以及生牛肉搅拌，即场炮制即场serve，味道新鲜，各种香料相得益彰，配上嘅自家制米纸又薄又脆。烤八爪鱼配莴苣、烟肉、西柚及油封薯仔西柚以及八爪鱼嘅配搭非常清爽，切成半圆形嘅薯仔以及莴苣新鲜，整体嚟讲都几特别。澳洲肉眼牛扒伴红酒汁我哋叫咗medium rare，可以从颜色睇得出生熟程度啱啱好，肉汁丰富而且一啲都唔韧，红酒汁不会太咸，又提供到一点风味，出品好过唔少牛扒餐厅，真系有惊喜，值得一试。我哋仲嗌咗pizza以及两杯Cocktail，以及一个pizza都好好食，Cocktail打卡一流。整体嚟讲食物水平甚高，而且上菜亦都好有仪式感，啱晒情侣嚟拍拖打卡，或者想一边叹西餐，一边睇维港夜景嘅人。