The Meat Co.

Steak & Fries（逸东酒店内）🤰🏽产检日怀孕后期要补充足够铁质。医生叮嘱除咗要按时食铁丸，仲要食多啲牛肉。因为身体血容量大左，需要铁质额外制造多啲血细胞。顺利完成检查后，立即同邓先生锯块牛排🥩进补一下。✨西冷 安格斯 250g（配烟熏烧烤酱）小店好特别，只系专卖西冷牛扒，所以整得好精。除咗块扒肉质好，仲想称赞厨师嘅烹饪技术。由于孕妇要食熟嘅肉，我哋order左7成熟。厨师拿捏得啱啱好，块扒刚好熟透，中间淡淡粉红色，肉质细嫩。成块排都系肉汁，肉味亦都好香浓。小店共有12款酱汁可选。虽然我哋叫咗BBQ Sauce ，但几乎完全冇蘸酱🤣，靓牛排单食已经非常美味。完全可以媲美某啲酒店贵价几百蚊块既牛扒呀，大推大推！Ps. 牛排g数可以加钱选择，如果g数多d，相对块扒就会厚啲（见图4）。建议都系250g叫起，200g太薄肉汁较小，亦唔够喉。✨芝士粉薯条🍟薯条系即炸即捞芝士辣粉，系高级版嘅shake shake 薯条，脆卜卜又热辣辣。不过芝士粉略咸，落order时可以同职员讲唔要落咁多味粉。✨腌菜沙律细细杯，有腌青瓜、红椰菜、红萝卜丝。口感爽脆，应该是用来解油腻。我们只是浅尝就算。✨环境