輕時光

营业中

休息中

虽然我唔系第一次嚟，但今次忍唔住都要介绍下😉因为每一次嚟都有进步😊中环呢间分店，门外有一幅糖果彩色嘅打卡墙🌈同成条街嘅彩色店铺都好衬🩷今次嚟到，店铺嘅灯光靓咗，饮品款式多咗，同埋包装贴心咗👍🏻之前买嘅时候，记得系只有软胶杯盖，拎走嘅时候都会要就住唔好倒泻。今次喺盖入面加咗一块膜，无咁易倒泻同埋保鲜啲👍🏻店员知道我拎走仲好贴心帮我痴一痴个盖。好明显老板同店员都系力求进步又体贴客人🩷我最钟意就系呢啲店铺。芒果优格果昔 $40每次嚟都必点呢款，因为芒果嘅果香衬托出乳酪嘅奶香，非常夹。热情果优格果昔 $40呢款同头先一样都系果香十足，不过系连核打碎咗热情果，钟意有啲口感嘅朋友就可以试。