影片
更多
2018-09-04
161 浏览
今晚同朋友谂住打边炉。返工咁辛苦，梗系要慰劳一下自己。唔想屈就自己劣食啲酒楼任食打边炉，对自己好啲，一于试下呢间新开嘅横滨街场。一间餐厅嘅装修好与坏，绝对系俾客人嘅第一印象。呢间横滨街场嘅装修系蓝球&足球场，有好多球员卡通人物、篮板、足球龙门，真系够晒佬味。同打边炉呢啲咁佬味浓嘅饮食文化真系好夹。汤底方面，我地叫咗个喇沙海鲜锅。打咁多次边炉，木桶喷泉火锅真系第一次见，好有新鲜感。店员介绍话木桶系由马来西亚进口，杉木养生，而且个喷泉可以隔油，喷出黎果啲汤底可以直接饮用。的确打足两个钟头边炉都唔觉得油利。汤底好足海鲜料，啲虾仲要有膏嘅！仲有青口、蚬肉。火锅配料唔系任食，系逐碟order。正所谓食得多不如食得靓，我就情愿逐碟叫，可以预期啲火锅配料会新鲜啲同质素好啲。日式长蟹棒每条有30cm咁长！真系拎黎影相都得！啖啖肉，无咩雪藏味。紫菜炸响铃即叫即炸的。除咗新鲜无油抑味之外，夹咗层紫菜系中间，口感好丰富。特式炸鱼皮Surprise! 中间竟然夹咗层墨鱼！估佢唔到！好有咬劲。虾丸，呢度啲虾丸肉，食得出系新鲜虾肉造嘅，系酒楼任食啲虾丸肉系梅嘅。喂完全两个层次wor。墨鱼丸，同样都系新鲜嘅新鲜滑牛
一间餐厅嘅装修好与坏，绝对系俾客人嘅第一印象。
呢间横滨街场嘅装修系蓝球&足球场，有好多球员卡通人物、篮板、足球龙门，真系够晒佬味。同打边炉呢啲咁佬味浓嘅饮食文化真系好夹。
汤底方面，我地叫咗个喇沙海鲜锅。打咁多次边炉，木桶喷泉火锅真系第一次见，好有新鲜感。店员介绍话木桶系由马来西亚进口，杉木养生，而且个喷泉可以隔油，喷出黎果啲汤底可以直接饮用。的确打足两个钟头边炉都唔觉得油利。汤底好足海鲜料，啲虾仲要有膏嘅！仲有青口、蚬肉。
火锅配料唔系任食，系逐碟order。正所谓食得多不如食得靓，我就情愿逐碟叫，可以预期啲火锅配料会新鲜啲同质素好啲。
日式长蟹棒
每条有30cm咁长！真系拎黎影相都得！啖啖肉，无咩雪藏味。
紫菜炸响铃
10 浏览
2 赞好
0 留言
紫菜炸响铃
即叫即炸的。除咗新鲜无油抑味之外，夹咗层紫菜系中间，口感好丰富。
特式炸鱼皮
Surprise! 中间竟然夹咗层墨鱼！估佢唔到！好有咬劲。
虾丸，呢度啲虾丸肉，食得出系新鲜虾肉造嘅，系酒楼任食啲虾丸肉系梅嘅。喂完全两个层次wor。
墨鱼丸，同样都系新鲜嘅
新鲜滑牛肉
名称已经交代咗，又新鲜，又滑，法官大人，我无野要补充。原来新鲜牛肉系咁好食嘅！
新鲜猪颈肉
睇啲纹就知系靓野。食落口脂肪融化嘅感觉，好满足。
打边炉要叫汽水饮系常识吧。十蚊罐，一啲都唔贵，放心饮。
酱料要另外收费。有蒜蓉、炸蒜头、辣椒、芫茜、香葱，任你调配。算系几有诚意。
埋单大概每人二百几。食到呢个质素，我觉得好抵。
张贴
