Butlery

营业中

休息中

沙田其实真系一个好多好嘢食嘅地方，随心走入一间餐厅都可以揾到宝藏。话就早几日又响沙田，就同埋个同事食饭，「就呢间啦！」见到呢间叫做「Butlery」嘅餐厅装修得几靓，就入去食个午餐。我哋叫咗一份Set Lunch「煎澳洲谷饲西冷牛扒配烧薯仔及烧汁」跟咗一份「周打蚬汤」。估唔到碗汤比想像中更加香浓，浓稠嘅质感但有细滑嘅感觉。而西冷牛扒就肉质细腻、口感鲜嫩，上枱果阵油香四溢。「安格斯牛肉、枫叶浆烟肉 & 芝士汉堡」系我哋嗌嘅另一个菜式，厚厚嘅安格斯牛肉质感丰富、烟肉带有微甜但不算油腻、酱汁亦好特别，将整个汉堡升华。「酸忌廉牛油果酱薯条」，个酱汁调较得好好。令人停唔到口。我哋仲叫咗「朱古力奶昔」同埋「士多啤梨奶昔」，非常香滑可口。甜品方面，抹茶吉士酱厚班戟，配上红豆、脆玄米同埋抹茶蕨饼。食落非常有层次，抹茶味浓、吉士酱香滑、厚班戟就软绵绵，三样加埋都好夹。总结呢间餐厅，装修得精致，好值得嚟打卡；同时食物质素超级好，再加上店员有良好嘅服务态度，呢间餐厅好值得收藏！