廉記冰室 (春園街) (已結業)

今日同朋友揾地方食下午茶，谂住揾个坐得舒服D嘅地方，经过廉记，比佢嘅落地玻璃同tiffany blue 窗框吸引住，就去试试啦！朋友食星州炒米，我见面包柜嘅菠萝包好吸引，就叫咗菠萝油，果然菠萝油系好好食嘅，外皮好脆，面包松软，加埋块牛油真系无得输！朋友对星州炒米要求好高，但佢对廉记呢个星州炒米都表示满意，首先系米粉炒得够干身，咖哩香味控制得啱啱好，至于配料方面份量都比足，以一般茶记嚟讲水准算系中上。可能系餐厅太好生意，其实由落单到我地食完嘢侍应嚟收碟，成个感觉都系好赶咁，如果想叹悠闲下午茶，廉记未必系一个好选择。