富景清香麵家

营业中

休息中

早两日同朋友去完北角新光戏院睇戏，睇完戏饿饿地就入左间新开既面店食个宵夜，装修新净座位阔落，牛类净食 双拼 $110牛腩同牛筋炆行好淋身易咬口，仲好入味，一d 牛嘅臊味都无。鲍鱼滑鸡粥 $45大大碗份量足够两人食用，鸡肉鲜嫩滑溜，带有少少酒香，同鲍鱼丝一食，味道好夹，粥底绵滑。蚬介鲮角球(炸) $33用新鲜鲮鱼造成嘅鲮鱼球，炸得外脆内软，配埋俾自家制蚬介汁食，简直绝配。鸡肉肠粉 $25第一次食鸡肉肠粉，呢个配搭几新鲜 ，手拉肠粉里面夹住用鸡肉做的肉饼，味道几特别。