一鍋烽

营业中

休息中

天寒地涷，两个人揾间抵食打边炉放题就最好不过。依度装修有特色，古式古香，座位宽敞。 价钱亦算大众化，啤酒汽水同雪糕都系任饮任食。今日叫左蒜香酸菜烤鱼火锅放题 ，食完烤鱼，仲可以追加50款火锅料。汤底味道好香浓，酸酸辣辣，有成条脆炸烤鱼，外面香脆但鱼肉依然嫩滑。 锅里面仲有好多配料，薯粉豆卜同芽菜。 另外，仲叫左金菇，蟹黄汤包，鱿鱼，鱼皮，牛肉，即炸响铃，蔬菜，落单后上菜速度好快，材料新鲜。 鲜虾云吞, 皮薄多饀，口感丰富。$168澳洲M6和牛，肥瘦均匀，少少油花，食落去有油香兼牛味好重，好有口感。最后溶入所有牛肉同食材既汤底，配上青菜，不需任何调味，都已经好够味。