鳴越越式料理

营业中

休息中

靓装越菜@中环餐厅系喺地库，我系畀呢个牌吸引到目光，哈哈！落到去发觉装修都几靓，啲位好好坐 价钱以中上环一带嚟算系好亲民，我哋仲加咗小食𠻹呀 😋朋友𠮶杯系椰汁红豆冰，佢话几好饮。我𠮶杯系青柠薏米水，清清哋好好饮 啲薏米几有咬口。越式炸春卷好脆口，馅料包得满满，加咗生菜就更加清爽，无乜油腻感～另一个小食就系香茅鸡中翼喇，鸡翼都几大只，都系比较香口啲小食。越式火车头非常大碗，个汤好清澈但好有牛味，河粉好滑嘟嘟～有齐生牛肉、牛腩片、牛丸、牛筋同牛柏叶，好啱钟意食牛嘅我 👅 炒红饭酸酸甜甜好开胃，仲有好多蛋丝𠻹。牛柳粒加咗黑椒，有少少辣但系好惹味。