星海薈 (利舞臺廣場)

营业中

休息中

今日黎到铜锣湾饮午茶。呢到装潢华丽，水晶吊灯同装饰闪闪发光，好似置身系星海到。首先会送上一盆热水俾你洗碗碟，好贴心。叫左乌龙茶，茶味香浓，系靓茶叶。我地点左安虾咸水角、泡椒浸掌翼、秘制五香牛杂、奶皇箭猪包、川汁滑饺子、棉花鸡。安虾咸水角上枱仲系热辣辣，外皮好有嚼劲，好食，但吸干多少少油会较好。泡椒浸掌翼少少辣辣地，但好惹味，几好吮。秘制五香牛杂有白萝卜、牛肚、牛肝、牛肺等，全部都好入味，好食又无腥味。奶皇箭猪包造型好得意，入面虽然唔系流心既奶皇，但成旧炸过，好香口。川汁滑饺子包住猪肉同少量菜，同个汁好夹，少少辣，饺子皮果然好滑。棉花鸡好滑，淮山同鱼肚都整得好好食。呢间全部野食都系热辣辣上枱，值得一赞。