老鍋台式火鍋 (已結業)

之前过嚟老锅食台式火锅多数都系叫麻辣鸭血锅，今次就决定试吓佢哋嘅胶原蛋白美人锅，补一补🥰 窝底有原只竹丝乌鸡、好甜嘅桂圆龙眼、仲有有「平民燕窝」之称嘅桃胶等等，非常足料！！我哋每人起码饮咗两碗先开始打边炉😂食台式料理梗系要叫番个炸臭豆腐做前菜，都真系几够臭😂😂饮品我哋就试咗个杞子杭菊露，自家制味道都唔错，好香菊花味又唔会太甜到主食啦，肉类方面有每日手切本地肥牛同埋豚肉片。牛肉油脂均匀，有咬口之余唔会韧，牛味亦都几重👍🏻👍🏻 配菜方面有冬瓜、新竹米粉同埋鱼皮饺。最后打边炉唔少得嘅即炸响铃，非常松化香脆😋总括嚟讲，无论环境食材都做到十分水准，果然正宗台式风味！