三餸飯

营业中

休息中

今日第一次试吓富康新开嘅三𩠌饭，有一𩠌饭$27，两𩠌饭$35，三𩠌饭$43，同净𩠌$52选择，价钱系将军澳区都算平。我叫左一个三𩠌饭外卖要左翠玉瓜炒鸡柳，菠萝咕噜肉同蒜香鸡翼，三个𩠌系分开放系外卖分隔盒，d𩠌唔会捞乱晒，唔会好似岀面一般嘅两𩠌饭咁，一个饭盒上面放晒你要嘅𩠌。我10分钟路程返到屋企，即食，d𩠌都仲热，店员亦都有提醒饭盒系可以放入微波炉加热嘅，我路程唔远所以都冇咁嘅需要。𩠌同饭嘅份量好足够，味道好食过茶餐厅问过店员，每日都系十款𩠌，日日都唔同。下个礼拜会再试其他款，又听到有个客问几时先再有麻婆豆腐，话好好食，真系想试下