漫花燈火OMG (已結業)

见到咁靓既餐厅，立即约闺蜜去试一试。去到个粉红色门口都几特别，完全唔似一间餐厅。首先会入到一间黑房，之后自己推开个布幕，全场七彩缤纷，闪令令，好有惊喜入到去超兴奋，周围走来走去影相。头盘:自家制酥皮黑鱼子牛油果烟三文鱼水牛芝士波波他他个摆盘好靓,酥皮都脆口，牛油果同三文鱼都几夹，推荐Main :慢煮180 日安格斯牛肩脊半蜜糖红菜头牛肩胛慢煮好淋，有牛味，但个汁有点似平时茶餐厅嘅洋葱汁🙈个配菜都出色😋Risotto: 黑鱼子面包蟹意大利饭外貌好靓，蟹壳乘着饭再放上石春上面。个饭有点咬口，蟹味非常出👍🏻Pasta: 三文鱼籽鲜鱿鱼海胆汁墨鱼意大利粉意大利粉普普通通，但个海胆汁赞。饮品全部都好靓，但味道就冇咩特别🙈OMG 5C (果汁，但饮完估唔到系用咩水果，可能系我问题😆）纸醉金迷 （提子啫喱）荔枝上的彩虹 （荔枝味波子汽水）宇治抹茶珍宝牛油果奶昔 （我比较喜欢这杯）甜品：潘朵拉盒子-延续好靓，但味道就冇特别4个人食左$1550。食环境食摆盘，影相一流。食物味道不错，但价钱有点进取，同不饱肚。另外饮品就普通。