Pause It

营业中

休息中

之前同朋友食过旺角嘅分店，印象唔错，呢晚经过炮台山，发现咗原来有间分店，装修同旺角一样都系走文青简约风格。烟三文鱼牛油果宾尼廸克蛋 ($108）- Egg Benedict卖相好吸引，烟三文鱼加埋新鲜嘅牛油果，配上流心蛋酱，味道多层次。伴碟嘅沙律菜都非常新鲜好味，感觉健康。虎虾青酱扁意粉（$108）- 虎虾大只，肉质爽甜，意粉整得烟靭弹牙，仲有车厘茄及芦笋等配菜，好清新开胃嘅一道菜。伯爵茶鲜奶咖啡（$42）- 首先要赞下个拉花好靓，打卡一流。入口茶味好香，仲有好绵密嘅鲜奶咖啡，味道唔错。英国梨冰茶（$38）- 估唔到冰茶嘅卖相都咁靓，入口有淡淡嘅水果香味，钟意佢唔会太甜，够晒消暑解渴。 餐厅食物质素唔错，价钱亦好合理，特别钟意佢环境好坐，好有文青感觉，啱晒同朋友倾偈饮嘢。