十十川滬料理 (已結業)

朗豪坊嘅四楼有好多嘢食，喺旺角呢个咁多好嘢食嘅地方，要喺度立足真系一啲都唔容易！偏偏呢度就开咗一间好特别嘅风格嘅餐厅，就系卖四川菜嘅！呢度个装修真系好唔似传统食四川嘢嘅地方，因为好多都有种污糟同大油烟嘅感觉，但呢一度就有种少女风情，系好干净好优雅嘅！呢度嘅餐牌都好易睇 好多嘢食都有晒图片，知道系乜嘢黎嘅最快黎到嘅系烧椒皮蛋，个名都几得意，佢上面有超多嘅烧椒粒粒，非常之香口，令到成个口都充满四川嘅味道因为唔系食得好辣，所以叫咗个清炒土豆丝，佢虽然系清炒，但个味道一嘅都唔输蚀，有好香嘅味道！之后系十十海鲜炒饭，个饭炒得好香口又唔油，面头嘅葱丝完全系画龙点睛，令成个饭加添咗唔少香气！上面仲真系好多好海鲜，唔系俾hea货！见倒好多鲍鱼粒粒！呢个素春卷真系好岩我，平时多出街食，都冇乜机会食菜，呢个春卷够多菜，又满足倒食香口嘢嘅欲望！呢个真系好特别，估唔倒小笼包入面可以装酸菜鱼！食落真系满满嘅惊喜，因为好似浓缩咗一煲酸菜鱼入去个小笼包度，系味觉嘅震撼！最后当然要叫番个甜品，呢个凤梨奶黄窝饼十分之令人满足，酸酸甜甜而且馅料好多，食完真系有种暖暖嘅感觉~