磯の水產

营业中

休息中

餐厅风格好日系，好用心嘅布置，好啱打卡，放工未饮番杯，食吓串烧都好正😊时令六点刺身有三文鱼，墨鱼，油甘鱼，吞拿鱼同埋带子，刺身有光泽，食得出新鲜，而且件件都厚切。个带子真系好正，好鲜甜，墨鱼有少少火炙效果，食落更有口感带火炙香。清酒煮蚬啲蚬肉只只都好大，而且肉质饱满，清酒煮完冇晒酒味，个汤就有满满既蚬肉鲜甜同海水味。黎居酒屋一定要食串烧，我哋叫店员推介嘅串烧。鸡心串盐烧牛肋条串一口牛粒串豚腩肉串四款串烧都十分不错，都烧得好香，个样都烧得好靓仔。当中一口牛粒串，真的必食，肉质好软滑。豚腩肉串，都好jucy，一口肉一口大葱，腩肉既口感jucy，单食会少少油腻，但配上大葱中和返，好正既配搭。牛肉乌冬牛肉唔会嚡口，乌冬好软滑，份量又多，加埋糖心蛋，汤底清不淡，好鲜。