影片
更多
2021-02-15
179 浏览
星期五下昼同朋友去咗将军澳行激安，顺便揾吓有乜好食。行出啲近海旁单车径𠮶边有一排餐厅，每间好似都唔错。不过港女嘅我哋对日本餐厅「花楽」最有兴趣😚。估唔到呢个时段餐厅都咁座无虚席，厉害👏。餐厅环境好整齐，座位之间唔逼夹，并且利用咗落地大玻璃透光入内，但啲窗好似系固定咗，咁就唔可以开嚟变户外座位。我哋入嚟就系为咗食$268两位嘅🌸花楽日式下午茶，因为好似有好多嘢食，而且亦啱打卡。实物出到嚟同相片一样😍，完全无落差，好得体，净系个架够大已经好有气势！先讲热嘅咸食部份，上菜速度比甜点快，三款食物放置喺一个较细嘅架上。食物款式未必系餐牌所列举𠮶几款，有机会有些少分别。其中两样都系鸡🐓：明太子鸡翼同唐扬炸鸡，鸡翼几好味，系去骨连鸡翼尖𠮶种，但如果一人有一只就更好。芽葱牛肉卷系三款之中最好食，🐮牛肉片包住嘅系芽葱，葱条超幼细，我第一次食，发现原来味道甜甜哋，而且仲要完全无臭青同辣味。牛肉同芽葱好夹，配埋个酱汁食好惹味。金丝鸟笼分上下两层，店员上餐时有细心介绍食物款式，仲提我哋要食咗上层先。上层有玉子烧、青瓜牛油果饭卷、金目鲷波子寿司、水果蕃茄同芥末八爪鱼。🥚玉子正正常常，而两款寿司饭🍣嘅醋味啱啱好，
星期五下昼同朋友去咗将军澳行激安，顺便揾吓有乜好食。行出啲近海旁单车径𠮶边有一排餐厅，每间好似都唔错。不过港女嘅我哋对日本餐厅「花楽」最有兴趣😚。
估唔到呢个时段餐厅都咁座无虚席，厉害👏。餐厅环境好整齐，座位之间唔逼夹，并且利用咗落地大玻璃透光入内，但啲窗好似系固定咗，咁就唔可以开嚟变户外座位。
花楽日式下午茶
3 浏览
0 赞好
0 留言
先讲热嘅咸食部份，上菜速度比甜点快，三款食物放置喺一个较细嘅架上。食物款式未必系餐牌所列举𠮶几款，有机会有些少分别。其中两样都系鸡🐓：明太子鸡翼同唐扬炸鸡，鸡翼几好味，系去骨连鸡翼尖𠮶种，但如果一人有一只就更好。
芽葱牛肉卷
3 浏览
0 赞好
0 留言
金丝鸟笼分上下两层，店员上餐时有细心介绍食物款式，仲提我哋要食咗上层先。上层有玉子烧、青瓜牛油果饭卷、金目鲷波子寿司、水果蕃茄同芥末八爪鱼。🥚玉子正正常常，而两款寿司饭🍣嘅醋味啱啱好，唔会太酸。波子寿司造型好精致，因为圆圆两粒用葱串起，就成为车厘子咁样🍒；而鱼生上面亦加咗金萡。
牛油果卷上面加咗鱼子酱，所以有份咸香。🐙芥末八爪鱼仔用小杯装住，生嘅八爪鱼唔腥，因为Wasabi味调得好好。🍅最后食嘅蕃茄仔就有点儿太酸了！
焦糖芝士蛋糕
2 浏览
0 赞好
0 留言
下午茶餐包一壶花茶(可添加热水)，粉红色嘅茶具少女风满泻💕。花茶口味有五款选择，包括日本玄米焙茶、柠檬百香果、洛神花茶、白桃鸟龙同我哋拣咗嘅日本水果茶。水果茶同我想像中好唔同㖞，佢完全唔似台式𠮶种，反而有啲似日式罐装水果糖嘅味，哈哈。水果茶颜色好红，我开初仲以为餐厅比错咗洛神花😝。由于茶味偏清淡，所以餐厅提供嘅蜜糖就大派用场。
总括嚟讲，呢个靓靓日系花茶下午茶令人满意，造型吸引，但亦唔会忽略味道😋。不过对于我呢啲大食怪嚟讲，份量有啲少，唔太够饱🙈，但我明白食Afternoon Tea重点从来都唔系呢方面，哈哈。呢度环境好适合三五知己倾吓偈，食啲嘢。最后，店员服务态度正面积极，抵赞👍。
张贴
