Cube O - Journey with Seajellies

营业中

休息中

阿女一直都推荐我嚟呢一间餐厅同老公撑枱脚，入到去已经被四面八方嘅水母间缸所吸引，亦都被安排坐咗喺其中一个嘅旁边，弥漫着浪漫嘅气氛。除咗气氛满分之外，餐厅食物质素亦都相当唔错，今晚食咗：芝士蕃茄田园沙律🥗居然仲放上咗食用花，清新嘅味道清一清喉咙，预备为精彩嘅食物揭幕。接住有蟹肉龙虾汤，味道浓郁咸咸香香咁样，食到真材实料嘅蟹肉！再配上咗一片面包，点住龙虾汤去食更加吸引。套餐有三款主菜可以选择，我就拣咗软壳蟹意大利饭。软壳蟹酥炸得唔会太过油腻，依然咬到一啖淡嘅蟹肉，意大利饭煮得好浓味，米粒亦唔会太硬。套餐亦都包含咗一款甜品，仔细可以睇到甜品嘅层次有几咁清晰，食落去有浓郁嘅咖啡口味，中间嘅慕丝相当轻盈，旁边仲有几粒水果衬托添～单点左一份烧安格斯肉眼，叫咗七成熟，火候啱啱好，肉眼嘅油脂感相对地重，所以餐厅配上嘅芝士同薯仔正好可以中和一下。