奇納百川 (已結業)

三文鱼子海胆忌廉酱乌冬$188就咁睇相都知呢个乌冬好Creamy，而且海胆味劲浓郁😍就咁睇个卖相都知好掂，乌冬面好弹牙，同个海胆酱好夹，面头啲三文鱼子好大粒，都算系真材实料，不过份量就唔算好多🥺唔够食。奇太郎原味炸鸡(跟铁板芝士)$208炸鸡中规中矩，重点系个铁板芝士，劲拉丝🫢不过劝大家要快啲食，我哋挂住影相摆耐咗啲芝士已开始硬。明太子蛋卷紫菜包饭卷$108日式加韩式嘅混搭，睇相都见到好足料，色彩缤纷，望见都好有食欲，配埋明太子酱都唔会觉得奇怪，值得一试。海鲜炒粉丝$148同平时食开嘅韩式炒粉丝一样味，不过呢个有好多配菜，啲𩠌就快多过粉丝，海鲜有鱿鱼同埋虾仁，好丰富。肥纳百川$72 百川莓莓$72 奶酱多$72打卡用奶昔📸杯杯都咁靓，影相一流，啲名又好得意，我自己就最钟意奶酱多，花生味够晒重，百川莓莓pink pink好少女💓肥纳百川朱古力够晒邪恶😈饮完真系肥几磅。