Twinkle Baker Decor (已結業)

好耐之前食过Twinkle Baker Decor既「扮清糕」cupcake，觉得个名好诙谐搞鬼，印象深刻。好少本地蛋糕品牌有靓蛋糕又有好既marketing。今日系阿妹生日，佢又最爱粉红色，于是拣左呢个超梦幻既「樱花树下」比佢🌸蛋糕顶层有粉红同白色既棉花糖同朱古力装饰，蛋糕面仲有樱花花瓣，真系好少女心呀，买黎做情人节蛋糕都得。本身对靓蛋糕味道冇咩期望，因为我唔太中意慕丝蛋糕；但系因为有白桃果肉衬白桃慕丝，成件事即刻好和谐，食晒成件都唔觉得漏。佢个慕丝食得出系靓野，入口酸甜轻盈。蛋糕既翻糖皮有浸好香既奶味，入口即溶，好有惊喜呀。拎蛋糕果阵仲见到「富士山下」同扭蛋造型蛋糕，真系好靓好吸睛。