山梨花野 (已結業)

成日都食肉，今次食返啲清清地嘅素食先。系mikiki到有间日式嘅素食餐厅，周围嘅装修都好靓好多花花🌸 一入去嘅感觉已经好舒服😊我地点左一个餐同一个小食。🌸 富士山定食点选左日式粟米汤，窝笋冻豆腐，吉列素猪扒，西兰花菠菜汁，本身有咖哩拣但想试下啲特别野所以拣左呢个汁，点知食落又ok架㖞，清清地配埋靓靓嘅富士山饭好夹。仲有杯花茶，有清清嘅花香味🌼🌸 四合味噌素饺子锅汤底比较浓味，唔洗点其他酱料都好入味😋而饺子亦可以每款味道一半，可以一次过试哂两款唔同味道，面就够比较厚身有咬口。最后定食跟埋个海盐焦糖冬甩雪糕🍦卖相亦都好靓，冬甩入口烟韧，配埋cream同雪糕食到停唔到口😂间中食下素，人都健康啲😆