Lava Java 咖啡西餐廳 (已結業)

清新，简洁又舒适嘅装修，行入去有种自在嘅感觉。平时我最钟意嚟呢度就系叹番一杯野饮，呢杯嘢饮唔一定要系咖啡，可以系唔同种类嘅特饮。呢度好出名嘅就系有龙猫样嘅咖啡，又或者有三眼仔嘅咖啡。全部都系有一位靓女调出嚟嘅，密密见佢喺架咖啡机前努力，为一杯令人满意嘅饮品而努力。今日就拣咗两杯咁又靓又好饮嘅嘢饮，一杯就系鲜奶咖啡，咖啡看似好似好普通咁样，但系佢呢一个就加左玫瑰花嘅花瓣，令到除咗有咖啡味之外仲增添几分玫瑰嘅味道，非常之特别，清新。另一杯就系抹茶鲜奶雪糕饮品，佢嘅抹茶同出面𠮶啲唔同，系另外用个杯上嘅。佢烘培出嚟嘅绿茶好甘，加埋落个鲜奶到，初初饮嘅时候茶会味龙，但系内阻雪糕溶咗有份甜味嘅感觉出嚟，有多种层次的享受。除咗饮品之外，食品都系非常之唔错。我特别就钟意呢度嘅包类，今日就系烟三文鱼牛角包，香脆嘅牛角包加烟熏嘅三文鱼，再配埋洋葱，好味。另外一个就叫咗芝士龙脷柳意粉，唔好见佢个意粉好似白雪雪冇调味，但食落又有味道㖞，就咁食都唔错。个芝士龙脷柳又够哂滑，不错不错。