CURATOR Art & Café (已結業)

今次去到尖沙咀商场中一间富有艺术气息既咖啡店，呢到放置左许多草间弥生、村上隆、KAWS等艺术品同商品，可以享用咖啡美点之余，同时也感受艺术气息。波士顿龙虾意粉将意粉造型成龙虾形态，卖相相当吸引，龙虾预先拆壳，肉质新鲜弹牙，蕃茄酱汁味道浓郁，龙虾头仲爆晒膏，十分邪恶。招牌安格斯牛肉汉堡 汉堡扒入口软腍多汁，厚切蕃茄同青瓜，相当有份量，上面还有太阳蛋，切开时蛋浆四溅，仲有墨西哥脆片伴碟都几特别！Tiramisu手指饼沾满咖啡，味道浓郁，表面好多朱古力粉，几好食！艺术打印朱古力可以选择打印店家提供或自己喜欢既相片，因为我吾饮咖啡，所以拣左朱古力，幅画咁靓真系好吾舍得饮，朱古力味道香浓，入口幼滑，朱古力奶控一定要试！雪橙冰红茶淡淡橙味既红茶，配甜品岩晒！