Food Combo (已結業)

出发去观澜湖玩之前，我同肥🐽决定医好左肚皮先，废事上到去要周围揾野食啦近近地就去左「FOOD COMBO」，离小巴站都只系10分钟既路程.餐厅装修以简约和风为主，面积不大，但都可以容纳约三十人。虽然我地系第一枱客，但坐低过不久已有不少客人进入，睇黎十分受欢迎呢.餐牌以套餐形式选择，共有7款定食，每SET都有沙律，餐汤，生果，小食同西式主料理。每SET既份量都设计得恰到好处，吾会过于饱肚而且讲求均衡饮食，呢点真系要大赞! 另外，仲有自助饮品吧，可以随意添饮。饮品吧提供三款饮品，一热两冻，分别系鲜姜红枣桂圆杞子水，冻薄荷鲜橙水同冻柠檬茶。特别中意杞子水，姜糖味偏重饮落好暖胃，不过就甜左少少.三文鱼煎得好有水准，肉质幼嫩又吾干身，鱼皮亦带黎香脆既口感，再加入少少海盐同黑椒作调味，令三文鱼整体味道得以提升底部仲有绵绵薯蓉同粒粒粟米，既可作配菜又可填肚，不错炸鸡粒咬落酥脆，而且炸粉好薄，表面淋上沙律酱，令人一食爱上.以火箭菜，红菜头，红萝卜同黑醋作为沙律。红菜头口感似啫哩般滑溜，淋上黑醋，既开胃又健康。.蕃茄汤浓稠度颇高，以鲜蕃茄搅拌而成，味道天然，吾系罐头开出黎果d最后有西瓜，蜜瓜同无籽提子