影片
更多
2023-06-25
35 浏览
一早去铜锣湾换礼品，行行下十二点又到lunch 时间，见到个楼上泰国餐厅广告好似未见过，就同老公一齐上去试吓。上到去门口就feel 到走高级泰菜路线，几靓好干净，装饰布置有d Vintage路线，枱铺晒泰式布，有插花，staff 穿制服好整齐。望下餐牌，星期六都有lunch menu，点了几样试吓。罗勒叶辣椒海鲜炒河色香味俱全，好多海鲜，有带子、青口、大虾同鱿鱼，海鲜食落新鲜，同河粉都好配合，河粉一片片，宽薄，口感爽滑。酱汁好有泰式感觉，有d香叶清香既味道，唔算太辣，一贯传统泰式风味会较油，不过真系好香。泰北烧鸡椰香饭先唔讲烧鸡，我哋2个都觉得椰香饭就咁食，唔加配料已经好好味。个椰香饭真系做得好好，够哂椰子味。烧鸡好惹味，皮少少香脆，充满咗香茅味。个照烧酱甜甜地有不失泰式风味，烧鸡沾上酱汁，有画龙点睛效果，十分之好味。芒果糯米饭甜品价钱优惠，性价比好高，椰奶芒果汁好香，糯米饭捞入蝶豆花汁，不错嘅甜品。椰汁马蹄冰呢个真系消暑既好甜品，细既冰粒令成杯不论当甜品咁食或当饮品咁饮都可以，一粒粒好似红宝石𠮶啲入面系马蹄，重有d爽口芒果丝同埋椰子肉，令成杯更香更好味。以为间餐厅走高级路线，入去时冇
上到去门口就feel 到走高级泰菜路线，几靓好干净，装饰布置有d Vintage路线，枱铺晒泰式布，有插花，staff 穿制服好整齐。望下餐牌，星期六都有lunch menu，点了几样试吓。
罗勒叶辣椒海鲜炒河
色香味俱全，好多海鲜，有带子、青口、大虾同鱿鱼，海鲜食落新鲜，同河粉都好配合，河粉一片片，宽薄，口感爽滑。酱汁好有泰式感觉，有d香叶清香既味道，唔算太辣，一贯传统泰式风味会较油，不过真系好香。
泰北烧鸡椰香饭
先唔讲烧鸡，我哋2个都觉得椰香饭就咁食，唔加配料已经好好味。个椰香饭真系做得好好，够哂椰子味。烧鸡好惹味，皮少少香脆，充满咗香茅味。个照烧酱甜甜地有不失泰式风味，烧鸡沾上酱汁，有画龙点睛效果，十分之好味。
芒果糯米饭
甜品价钱优惠，性价比好高，椰奶芒果汁好香，糯米饭捞入蝶豆花汁，不错嘅甜品。
椰汁马蹄冰
呢个真系消暑既好甜品，细既冰粒令成杯不论当甜品咁食或当饮品咁饮都可以，一粒粒好似红宝石𠮶啲入面系马蹄，重有d爽口芒果丝同埋椰子肉，令成杯更香更好味。
以为间餐厅走高级路线，入去时冇乜人，不过食食下愈来愈多人，到卖单时系满座。餐厅环境坐得好舒服，而且lunch Menu嘅食物价钱亦OK，难怪咁多人帮衬。
张贴
