木船 (已結業)

猫猫不嬲钟意泰国餐。呢间装修靓既泰国餐厅，一定走唔出猫猫既手指。木瓜沙律。好大份既木瓜沙律。生既木瓜整成似，有啲似沙葛。口感好爽口，仲有阵清甜既木瓜味。沙律加左辣椒，少少辣但好开胃。酸酸辣辣既沙律十足十泰国既味道。猫猫食埋沙律既花生，花生香味同沙律真系好衬，成个菜色更加香。整多啲青柠汁落去仲开胃。食泰国餐一定要食生菜包。靓靓既餐厅连生菜包都整得精致靓过人。睇到都开胃。生菜大细啱啱好，猪肉碎唔会太辣，整个生菜包食，特别多水份，好爽口。呢个组合真系好完美，点食都唔会腻。最令猫猫开心既系，生菜比例同猪肉碎系一致的。食完生菜，猪肉碎同时食晒，太神奇。猪肉碎味道少少辣，见到有好多香料系猪肉碎入边，好泰国，猫猫湿左个嘴。迷红小象。个名起得好得意。粉红色既小象，好衬泰国。好好饮既冻饮，有少少香蕉味，乳酪味唔会太抢，唔会太甜。好健康又好饮。猫猫觉得呢间餐厅由装修都野食外观同味道都好好！