Ilis (已結業)

中午食饭时间得一个钟所以去山林道揾野食就最好，因为行去这条街大部份都系餐厅食肆咁就唔驶嘥时间周围揾，之前见到这间餐厅内里都是坐满人今日我同同事都嚟试下先，中午有 set lunch 价钱唔贵唔驶一佰蚊就已经有牛油多士、汤或沙律，主菜同甜品跟餐饮沙律配醋汁酸酸甜甜好醒胃。香草牛油多士，今日餐汤系南瓜忌廉汤香草烤春鸡，半只春鸡一啲都唔细只啖啖肉好嫩滑唔嚡跟薯菜，有好多蔬菜好健康。紫稣梅酱烤猪扒，估唔到有惊喜好腍煎得好香刚刚好。烤纽西兰肉眼扒，7成熟都唔韧有肉味跟唔同蔬菜一齐可以解油腻感觉。餐饮叫左杯热咖啡，这餐真满足。