SENSU (新城市廣場三期) (已結業)

同事话沙田新开左间好靓既餐厅，好啱打咭之余野食仲要好味，所以今晚即刻拉左老公去试。起初老公餐厅门口都怀疑会唔会真系得个样架，好彩最后佢食完都觉得满意。餐厅个装修真系好靓，俾我一个好梦幻既感觉，几舒服又啱打卡。今晚叫左佢地个招牌菜和风牛肉照烧汁蛋包饭，意大利辣肉肠面包薄饼。首先蛋包饭个卖相真系一流，果然系佢餐牌所讲咁系旋风形容既，好特别，食落觉得个蛋都好滑好香，蛋包饭仲可以有保温既作用，令个饭keep到暖暖地，入哂牛肉既味道，果然系招牌菜。辣肉肠面包薄饼，个包底本身好香，加埋辣肉肠好惹味，份量都唔少，唔错。最后叫左两杯野饮，伯爵奶茶配黑糖寒天，同埋鲜奶紫薯寒天，两杯野饮调教个味道都好好，寒天就好似啫喱咁口感好滑好特别，最正系佢用胶杯装，方便我地可以拎住一路行街一路饮。整体上呢间Sensu都几好，下次飞甩老公同姊妹行沙田果阵再试先。