CHiLL-i (已結業)

星期三约左part time旧同事聚一聚旧。我地叫左两个午餐，都加左$30升级做豪华定食，配餐汤、两款小食、甜品，再叫埋餐饮。餐汤系椰菜花汤，上枱够热辣辣，又creamy，好好饮。鸡蛋沙律加左啲粟米粒，味道正常。豆腐冷饼呢个好好食，好似食紧鱼腐甘，绵滑既口感。泰式辣酱忌廉汁绘蟹肉意大利饭好有泰国既风味，味道辣辣地，有泰式香料既味道，好似去左泰国甘，好食。香煎盲曹鱼柳伴意大利茄酱烩杂菜及薯仔沙律份量十足，盲曹鱼肉质非常嫩滑又无鱼骨，煎得岩岩好。芝士蛋糕即使细细件，摆盘都落足心机，入口即化，作为饭后甜品几好。玫瑰鲜奶咖啡有啲玫瑰花瓣系面头好靓，饮落玫瑰花味都出，几好饮。薄荷青柠梳打味道酸酸甜甜，好解腻。