Pancake House HoiHoi (荃新天地) (已結業)

餐厅座位唔算多，大多数客人坐1小时。假日5点半左右入座，已经要排队。大约等10mins就有位，主要睇彩数。叫左抹茶忌廉梳乎厘班戟($138)，夏威夷果仁忌廉夏威夷班戟($118)。抹茶味好浓烈，带抹茶既苦味。梳乎厘班戟既蛋香味好重，空气感唔算好强，个人接受到，因为自己唔钟意太多空气感。一客有3块，份量好足。仲有甜红豆中和抹茶苦味。食到一半，觉得好饱。夏威夷果仁切成小粒状，有口感。忌廉非常稠绵厚身，好重牛奶味。夏威夷班戟厚身，系pancake口感，所以好饱足。每块都印有餐厅名，不过叠起左可能见唔到。整体，除左甜食，都有咸食款班戟及咸食。食物大约等10mins。卖相靓，个人食一次就够，因为2款班戟都食左，除非想食埋其他口味。