一豊 (已結業)

天耀街市大装修后，多左好几间食店，家姐话想食海胆，就去呢到试下啦～家姐一贯想食乜就叫乜性格，即使晏昼流流都一样唔睇价钱（≧∇≦）海胆盛丼（北海道、韩国、紫海胆）家姐净系话好新鲜、好好食、好满足（≧∇≦）三种海胆我都有试，反应同家姐系一模一样XD我唔识点形容，只能够话能够系天水围一次过食到三种层次既海胆饭，好幸福啊！不过佢旧炸金菇扇好硬唔好食（牵牵死都要食，我先知道原来好鬼硬）鳗鱼炒饭（下午茶餐）我同个仔都系鳗鱼控，下午茶计呢碟饭份量都唔少，日本米煮得粒粒分明，软熟又有咬感，鳗鱼粒虽然细细粒，但总算啖啖都吃到，口感爽弹，唔系我最唔钟意淋身个只。下午茶餐可加12蚊要多碗乌冬，我觉得唔太好食，乌冬质感有点过淋。妈咪最近有少少唔舒服，食过对面海南鸡饭个间铺话佢啲饭超难食，又干又旱，但佢就对一豊既各类型饭好欣赏，早两日细佬买左滑蛋鳗鱼饭返屋企比妈咪（系特别叫的，餐牌无架），妈咪话好好食，佢食左超过一半有多；今晚细佬买左鱼生饭比佢，妈咪食晒，好开心可以揾到间有质素既食店，令到妈咪有胃返胃口，多谢你呀^^希望一豊可以keep住水准啦～